Vesuhely Americaan

Vesuhely Americaan(1993) ta un artista visual i eskritor di Kòrsou ku un Bachelor den Fine Arts di Hogeschool voor de Kunsten Utrecht (HKU). Su trabou interdisiplinario ta eksplorá identidat, memoria i sanashon, konektando skirbimentu ku video, performance i instalashon. E ta ko-fundadó di Kargando Narativa, un plataforma ku ta fomentá un komunidat literario vibrante pa eskritornan i kreadornan diverso, ku anochinan di tarima habrí, manera Alma ta kosta i proyektonan manera e kampamentu di eskritura Diaspora of Tomorrow.

Americaan su poesia i ilustrashonnan a wòrdu publiká pa Wintertuin Curaçao den Immigrant Stories i Sapatu!, i den e kolekshon di poesia Kaba ta kuminsa. Su eksposishonnan individual y den grupo ta inklui Museo di Kòrsou, Sky Gallery (Luanda), y Caribbean Linked VI (Aruba). El a presentá den espasio kultural na Kòrsou, Hulanda i Merka, inkluyendo PAMM Miami i Kunsthal Rotterdam.