Ya mas cu un aña a pasa

Original di Johanna Barraza Tafur

Ya mas cu un aña a pasa
cu mi ta biba na Buenos Aires.
Anochi mi ta pensa riba lama.
E serena nocturno cu a drenta
door di e bentana di mi cushina
a trece su holo pa mi. 
Mi a drent’e y ora m’a sali
e awa cu tawata tota herbe den mi fogon 
ya a vapora.

E herida tabata profundo,
m’a laga e sanger core,
el a core te na mi elleboog,
unda el a mescla cu awa y scuma.
T’un desperdicio, m’a pensa,
y m’a lembe mi brasa.
E herida aki ta di mi,
ma e sanger ta di bo,
e ta core den mi
manera un biaha cu mi a core 
fo’i bo sex.

Traduccion di Spaño pa Papiamento: Arturo Desimone, 
cu coreccion final di Münhayla Jansen. 

Johanna Barraza Tafur a nace na Barranquilla, Colombia na 1995. Awendia e ta biba na Buenos Aires, Argentina. 

Biografia. Johanna Barraza Tafur es una poeta y fotógrafa nacida en Barranquilla, Colombia, en 1995. En el 2019, Sembré nísperos en la tumba de mi padre, su primer libro, fue el ganador del premio de poesía 2019 “Germán Vargas Cantillo” del distrito de Barranquilla y fue publicado en Buenos Aires por la editorial independiente Llantén y en Colombia en el 2022 por la editorial Himpar. Johanna ha participado en la Filsai 2020 (Feria Insular del Libro de San Andrés Islas), en el Festival móvil de poesía latinoamericana de Berlín Latinale, en la Fiesta de la Lectura y Escritura del Chocó y en la Feria del Libro de Bogotá 2022. Sus poemas han sido publicados en revistas y medios de ambos países, y su obra ha sido estudiada en el taller de crítica literaria “Aluvión”, proyecto ganador de una beca de crítica cultural del Ministerio de Cultura de Colombia.