UN FIESTA MIONARIO

Aña a kambia,
a troka mi paña.
Mi alma no ta bai skonde mas
bou di mi brasa.
El a bai sinta bèk riba su trono

bisti su korona
ku un shèrp di koló puru i bibu.
No tinzji su kabei;
lag’é bria, bunita.
Ta di Luango,
kaminda su antepasadonan ta.

Aki no tin kuenta di orguyo falsu
Dun’é su balor,
manera sa pone bolo di batrei
riba e mesa prinsipal.

Bini unu, bini tur.
Bin festehá.
Tin biña i ròm na granèl.
Para na kantu ta keinta stoma,
òf bo a gara un dams na su man.
Laga e kaha di òrgel i wiri
kompañá nan.

Charlton G. Marcos
01-01-2026