Ora Supremo

Ken di hende kudishi tin nòmber ku fam?

Ora otro ta sosegá…
nan ta tribi,
subi baranka
bula riba kandela,
bai i bini.

Lubidá
ku huma ku ta reda nan pasado
lo no kore ku fuku.

Ni maske kuantu sensia nan kima,
nan lo yora awa,
kuater-kuater,
na pia di San Philomena.

Riba un dia,
nan barika lo span habri
si nan sinti
ku e ora supremo
ta bati na nan porta.

Abo su komportashon,
yená ku envidia i engaño,
lo pèrdè su máskara.

Bo lenga di víbora
lo no mansa nada mas.
Pan a bai fòrnu promé…
ku e mansa haña chéns
pa e hincha.

Saka bo sombra awor.
Pasó wega di sabí
a keda pega
na Seru di Dòmi.

Charlton G. Marcos
23 januari 2026