Oedipus

Mi tata no tawata tata: mas tanto mi tata tawata mi burdugu.
Canando den su mocassin na canto di lama,
e tawata biba bou di otro shelo, kima pa otro solo,
e gravedad Marciano di Patagonia a keda habit’e,
mescos cu un malora, sombra cu no ta bora,
maske e tabata na Aruba.
E santo di cant’i lama di Aruba cu ta lora
no tin final, e nubianan di santo entre Arashi y Basiruti
ta forma trapi
cu ta hiba pa e desiertonan lehanamente bandona.
El a biba y muri cu su bista dera
bou di un punto lehano scondi rib’e linea di lama.
(No Eldorado bou di nos pia dera)
E hala di un avion militar mescos cu
hala di tibron.
Unico oracion cu el a bisami na Papiamento
tabata “Mi ta bay muri.”
Esaki el a bisa, mesora, hari el a hari.
Y mesora el a bisa e unico oracion
na Italiano (pasobra e pret sushi di “Fa-Fanculo!” no ta conta)
cu mi a tend’e bisa: “La veiteia e bruta.”
E ni sikiera tabata djey bieu ey, mi a pensa, sin ripara
cu ami tabat’un spiel contrario p’e, spiel di circo,
mi hubentud e medida di su behes.
El a bisa su prome y ultimo oracion
na Papiamento y mesora algo di su bebida a cay mancha tera
mane’ un mensahero di rey cu ta core cabay
bou di tera, band’i e riu subteraneo di Shibalba, pa sclama,
cu un calco na man y na boca
“Busca e burdugu! Su ora a yega. Porfin nos a hay’e.
Awo, trece e burdugu di reino! Lant’e, trec’e mesora!”

Arturo Desimone 2026