NOSTALGIA Y DUELE 

[Ora che sale il giorno, un poema di Salvatore Quasimodo (Sicilia, 1901-1968)
traduci pa Sebastian Torres (Aruba) den contexto di e tayer “Sinti, Sisti, Skirbi” cu Arturo Desimone a duna na Ateliers89, September 2025]

Anochi cu luna
ta tra’i lomba awo,
lentamente nan a dirti 
den frescur’i serena
y a baha tra’i e rooinan. 

September t’un cos asina na bida den 
e pais plat aki, 
e sabananan ta berde mescos cu e yanuranan
siciliano memey di primavera. 

M’a bay laga mi cambradanan atras, 
m’a sconde mi curason
entre muraya antiguo 
pa mi por keda mi so cu mi so, 
pa mi por corda bo. 

Pais, bo parce mas leu cu e luna, 
awo cu aurora di mainta t’aki 
y contra di e piedranan
pia di cabay ta bati!