Mi no tabata sa

Mi no tabata sa ku mi a nase
den kurpa robes.

Mi no tabata sa ku, pasobra
mi a nase riba e isla,
mi lo mester a bolbe.

Mi no tabata sa ku, pasobra
mi a nase ku un koló brùin,
mi lo haña ménos oportunidat.

Mi no tabata sa
ku mi ta robes,
si mi no bùk, lembe,
òf kai na rudia.

Mi no tabata sa ku, pasobra
mi ta ken mi ta,
hende lo semper mira mi
komo un hende agresivo.

Manera bo ta mira,
mi no tabata sa hopi kos…

I awor, kiko?

Mi ta haña ainda un chèns?

Kuantu mas mi tin ku soportá
promé ku mi wòrdu mira komo hende?

Pordonami…
ku mi a bolbe faya…

Mi no tabata sa!

16 di ougùstùs 2026, Groningen.