Mi ke bira un pal’i mango

Si bo puntra mi ki mi ke bira
ora mi bira grandi,
lo mi bisa ‘hues’…
pero si mi n’ ta’tin bèrgwensa lo m’a bisa:

Mi ke bira un pal’i mango
pa boso bin buska fruta serka mi
si un dia tera seka,
pa mi trah’un sombra
pa boso bin sinta
ora bida kima fuerte,
entre mi blachinan
tin stul pa bo
i tur emoshon ku bo ke trese,
anto si bo n’ ke papia
mi por invitá bientu
pa nos djis sinta,
toka un melodia leve.

Pues pa kontestá bo pregunta:
den mundu mi ke ta un hues,
pero den bida mi ke ta
un pal’i mango.

Aline Abdul, 2026.