Incorpora lenga friu

Canto Germanico pa siña,
studia su reglanan
Den garganta lag’e raspa (ch…gggg, sssch….ssschrr)
Boca, perde den su diptongonan

Su papia cu tonada di su tera,
lesando frase
Cu lenga friu mescla
luchando cu palabra
(de tuín, de neus, êt watél) 

Tela turkesa bisti pa distinguie
for di otro
Den gang e ta dwaal perdi
entre ora, aula y porta

Poco mester pa identific’e
Reda pa su dialecto
pa rango abou lo clasific’e
djis pa no sa e lenga perfecto

Ranca y hiba fo’i su tera
y pega den nos cayanan
pa crece y carga nos bandera
aunke semper e lo ta di … ayanan

Hoben dj’afo mester incorpora
Siñando con pa move segun e isla ta move
y na mes momento studia, lesa y papia
mescos c’un yiu di Tera Friu

Angelo Luis Angela