E Alma heridá

E alma heridá
ta wòrdu impedí
di skucha sin husga.

Sin e sa, e ta proyektá
e doló apsorbá,
ku pa largu tempu
a laga su mente
di tur banda changá.

E kier ta liber,
su alma purifiká.
Pero kon,
si nunka el a siña di kon?

E no ta drumi,
ni e n’ ta kana na soño.
El a bul’ afó, i purba di skapa
ku tur su fòrsa,
pero e ta keda
den un gara di tormenta.

Un forsageo,
manera kolebra
ta guli su mes.

E herida, kubrí ku suku,
a kuminsá ta bomba,
poko-poko,
pero sigur.
Su fecha a pasa;
a kaduká.

Awor si bida kier salg’é
manera yòrki,
pa skapa e tiki di orguyo—
un orguyo
ku nunka a wòrdu balorá.

Lamuèrtè,
freskú manera sèmper,
a bin tuma aden:
hasi sansaña,
tòka Calypso,
i deklará e pober alma
korumpí.

Charlton G. Marcos
18-01-2026