Henry Habibe

Frederick Hendrik ‘Henry’ Habibe (Aruba, 6 di mei 1940) ta poeta, literato i krítiko literario. El a studia Spaanse Taal- en Letterkunde na Universidat di Leiden i Universidat Katóliko Nijmegen. El a lanta e revista kultural-literario Watapana (1968-1972) durante su estudio. Na 1983 el a kuminsá traha na Instituto Lingwístiko Antiyano na Kòrsou. Na 1985 el a doktorá na Universidat Leiden; su tésis tin komo título El compromiso en la poesía afro-antillana de Cuba y Puerto Rico. El a publiká diferente estudio literario, manera Un herida bida ta (1994) tokante Pierre Lauffer; De spirituele opgang van een Curaçaose dichter (1997) tokante Luis Daal i Honderd Jaar Atardi (2006) tokante Joseph Sickman Corsen. Na 2014 su buki Aruba in literair perspectief, Tussen traditie en vernieuwing: 1905 – 1975 a sali.