Vishon

Meta di e plataforma akí ta pa kreá un podio digital ku ta amplia oferta literario den su sentido mas amplio — for di poema kòrtiku, kuenta, obra teatral, i presentashon di spoken word, te kolekshon kompletu di poema, novela, guion pa teatro i pelíkula, pero tambe reseña i ensayo tokante literatura. E enfoke ta riba trabou di i for di CASBES i su diáspora, ku atenshon spesial pa literatura primario i sekundario den papiamentu, hulandes, spaño i inglés.

Mishon

Aktualmente no tin un plataforma digital ku ta reuni obra di outor hóben di prosa i poesía i tambe artista visual di islanan CASBES i su diáspora na Hulanda, kaminda hopi outor i artista ku a nase na Antia Hulandes anterior ta biba i traha.

Mayoria di esnan ta publiká nan obra nan mes, na un skala chikí, algun bes solamente den un solo presentashon pa un grupo selektá. Nan ke yega na mas lesadó, miradó òf skuchadó potensial.

Ku Patruli, e outornan ta sali fo’i nan propio sírkulo, fo’i nan pais òf isla, i posibel fo’i den Reino, pa asina haña mas atenshon i rekonosementu.